জীৱনত কেতিয়াও এই 5 টা ভুল নকৰিব, অন্যথা আপুনি ডাঙৰ সমস্যাত পৰিব পাৰে - Chanakya's 5 Niti in Assamese
জীৱনত কেতিয়াও এই 5 টা ভুল নকৰিব, অন্যথা আপুনি ডাঙৰ সমস্যাত পৰিব পাৰে - Chanakya's 5 Niti in Assamese
চাণক্য নীতিৰ স্ৰষ্টা আচাৰ্য চাণক্যক এতিয়াও তেওঁৰ বুদ্ধিমত্তা আৰু বিভিন্ন বিষয়ৰ নিপুণতাৰ বাবে শ্ৰেষ্ঠ আৰু সৰ্বাধিক বিদ্বান লোকৰ শ্ৰেণীত ৰখা হৈছে। তেওঁ এজন দক্ষ ৰণনীতিবিদ, কূটনীতিবিদ আৰু লগতে এজন মহান অৰ্থনীতিবিদ আছিল। চাণক্যই বহুতো শাস্ত্ৰ ৰচনা কৰিছিল যিবোৰ এতিয়াও মানুহৰ বাবে উপযোগী। তেওঁৰ শাস্ত্ৰত নৈতিকতাৰ কথাবোৰ এতিয়াও জনসাধাৰণৰ মনত অতি জনপ্ৰিয় আৰু প্ৰচলিত।
আচাৰ্য চাণক্যৰ এই নৈতিকতাক চাণক্য নীতি বুলি জনা যায়, যিয়ে মানৱ জীৱনৰ বিষয়ে বিভিন্ন নৈতিক জ্ঞান দিয়ে। যদি এই বস্তুবোৰ জীৱনত মানি চলা হয়, তেন্তে বহুতো সমস্যা পৰিহাৰ কৰিব পাৰি আৰু জীৱনটো সুখী ভাৱে অতিবাহিত কৰিব পাৰি বুলি বিশ্বাস কৰা হয়। বহুতো বিদ্বান ব্যক্তিয়ে চাণক্যৰ নীতি অনুকৰণ কৰি সফলতা অৰ্জন কৰিছিল। চাণক্যই এনে কিছু কথাৰ বিষয়ে উল্লেখ কৰিছে যিবোৰৰ ফলত এগৰাকী ব্যক্তিৰ জীৱনত বহুতো ডাঙৰ সমস্যাৰ সৃষ্টি হব পাৰে। চাণক্যৰ তেওঁৰ শাস্ত্ৰত এইধৰণৰ কামৰ বিষয়ে উল্লেখ কৰিছে -
১) দৰিদ্ৰ হৈ অধিক দানবীৰ নহব
চাণক্যৰ মতে , যদি আপোনাৰ উপাৰ্জন কম হয় আৰু ঘৰত ধনৰ অভাৱ হয়, অলপ চিন্তা কৰি যিকোনো লোকক দান কৰিব লাগে । যিসকল লোকে তেওঁলোকৰ আয়তকৈ বা উপাৰ্জনতকৈ অধিক বেছি দান কৰে বা দান কৰাৰ চিন্তা কৰে, যথাসময়ত তেওঁলোকৰ নিজৰ কঠিন পৰিস্থিতিত নিজেই বিপদত পৰিব লগা হয়। তেনে লোকে দান কৰিলেও পৰিয়াল সদায় অসন্তুষ্ট হৈ থাকে ।
২) ধনী হৈ কৃপণালী নকৰিব
চাণক্যৰ এই নীতি অনুসৰি, বহু লোক অধিক ধনী হয় কিন্তু দান কৰাত আটাইতকৈ কৃপণ। দৰিদ্ৰ লোকসকলক বা অভাৱী লোকসকলক তেওঁলোকে কেতিয়াও সহায় কৰিব নিবিচাৰে, তাৰ পৰিৱৰ্তে কেৱল তেওঁলোকে ধন ৰাহি কৰাৰ কথাই চিন্তা কৰি থাকে । এনে লোকসকলে তেওঁলোকৰ পৰিয়ালৰ লগতে সমাজতো সন্মান নাপায়।
৩) যদি সন্তান সংস্কাৰী নহয়
চাণক্যৰ মতে যদি আপোনাৰ সন্তান ভাল সংস্কাৰৰ হয়, আপোনাৰ নাম পৰিয়ালৰ লগতে সমাজখনৰো উন্নতি হয়। আনহাতে, যদি সন্তানৰ ভাল সংস্কাৰ নাথাকে, তেওঁলোকে সমাজত নিজৰ লগতে আপোনাকো অপমানিত কৰিব পাৰে । সন্তানৰ ভাল সংস্কাৰ নথকাৰ বাবেই এটা পৰিয়ালো শেষ হৈও যাব পাৰে। সেয়েহে, আপোনাৰ সন্তানক ভাল সংস্কাৰ দিয়াটো গুৰুত্বপূৰ্ণ।
৪) বেয়া মানুহৰ সৈতে সুসঙ্গত
চাণক্যৰ মতে যদি আপুনি বেয়া লোকৰ সৈতে সংগত থাকে, তেন্তে আপোনাৰ জীৱনতো সেই বেয়া গুণ সমূহে বিৰূপ প্ৰভাৱ পেলাব পাৰে । যাৰ ফলত বিভিন্ন সময়ত আপোনাৰ সন্মান হ্ৰাস হব পাৰে । সেয়েহে, এজন ব্যক্তিয়ে কেতিয়াও অধাৰ্ম্মিক আৰু বেয়া লোকক সমৰ্থন কৰা উচিত নহয়।
৫) নিজৰ বাবে আনৰ ক্ষতি কৰা
চাণক্যৰ মতে আপোনাৰ নিজৰ লাভালাভৰ বাবে কেতিয়াও আনৰ ক্ষতি কৰা উচিত নহয় । ই আপোনাৰ পৰিয়ালৰ ক্ষতি কৰিব আৰু সমাজৰ সন্মুখত আপোনাৰ সন্মান হ্ৰাস কৰে। ইয়াৰ প্ৰভাৱ আপোনাৰ পৰিয়ালৰ ওপৰতো পৰিব যাৰ বাবে ভবিষ্যতে আপুনি নিজেই মহা বিপদত পৰিব পাৰে।
